slå ei plate til

her oppå borga 
av bløff
kan vi tru
kva vi vil

her vører vi ingen ting

korkje
svoltne og fillete
ungar eller skrullete
kvinnfolk eller karar
brann eller flaum
vett eller visdom 

sånt og sånne
kan takka seg

sjølve

hit opp kjem ingen
vantruande

her skal den dumme ha  
takk for å hata
kunnskapen 

gje oss berre

steinar for brød
løgner for sanning
pengar for kjærleik
og fleire og fleire og
meire og meire av
alt vi kan eiga

til den dag kjem at 

vi aldri kan døy 

når flaum og sanning
trugar:
slå ei plate til
i grunnvollane

av gamal
løgn til å tru på 

så lenge vindane vil
blåsa